Jer 48 | ZomZIV | STEP | Moab tawh kisai-in: Hih in Israel Pasian Thahatpen TOPA gen ahi hi: “Nebo kisia ta ding ahi manin a tungah gimna a tung hi. Kiriathaim kimaizumsakin kila ta ding hi; a kulh muanhuai kimaizumsakin kicim ding hi.

Jeremiah 48

Moab Tawh Kisai Thupuak ^a

1 Moab tawh kisai-in:

Hih in Israel Pasian Thahatpen TOPA gen ahi hi:

“Nebo kisia ta ding ahi manin a tungah gimna a tung hi. ^b
Kiriathaim kimaizumsakin kila ta ding hi; ^c
a kulh muanhuai ^{▼▼48.1 Ahikeh Misgah} kimaizumsakin kicim ding hi.
2 Moab kiphat ngei nawn lo ding hi;
Heshbon ^{▼▼48.2 Hebrew in Heshbon pen leikhawk cihna tawh agin kibang} ah mite in a kiat nading sawmsim ding uh hi: ^f
‘Hong pai un, tua minam beisak ni,’ ci ding uh hi.
Madmen ^{▼▼48.2 Moab-te khuapi Medman pen dai khikhe cihna tawh a gin kibang} aw, nang zong na dai khikhe ding hi;
namsau in hong nungdelh ding hi.
3 Horonaim pana kikona ngai un, ^h
siatna lianpite kisiatna aw ahi hi.
4 Moab kisuzan dinga,
a tanote uh a kapkhia ^{▼▼48.4 Hebrew; Septuagint ah Zoar dongah tangko uh.} ding uh hi.
5 Amaute in Luhith lam zuito ding uh a,
a paikawmun kahcihtakin a kap ding uh hi;
Horonaim lam paisukna ah kisiatna hangin
lunggima kahna kiza hi.
6 Tai uau! Na nuntak nadingun tai uau!
Sehnel-gamah sawlbawk ^{▼▼48.6 Ahikeh Aroer tawh kibang} bang uau. ^k
7 Na sepsa le na hauhna na muan nungsang, ^l
nang zong salin hong kikai dinga,
Chemosh, a siampite le a uliante tawh ^m
salin a kikaikhawm ding hi. ⁿ
8 Khuapi khempeuh ah a susiate pai ding uh a,
khuapi khat zong a suakta kei ding hi.
TOPA in a gensa ahi manin
mualkuamte kisusia dinga,
mualtung zangte a kisiagawp ding hi.
9 Moab kisusiacip ^{▼▼48.9 Ahikeh Moab khate pia un / amah lengmang ding hi.} ding ahi manin
ci paih un; ^p
a khuapite hawmmang dinga,
a sungah kuamah a teng kei ding hi.
10 “TOPA’ na citaka a sem lo mi in hamsiatna thuak ta hen!
A namsau sisan luansak na-a a zang lo mi in hamsiatna thuak ta hen! ^q
11 “Moab a neu tunga kipan a omcip hi a, ^r
zu tawdat bangin
beel khat pan beel khatah kitei loin
salin a kikai kei hi.
Tua ahi ciangin amah a lim ngei-in lim a,
a gimnam a kikhek kei hi.
12 Ahi hangin TOPA in cikhia hi,
“Beel sung pan a sungkhia ding
mi ka sawl hun hong tung dinga,
amaute in amah a sungkhia ding uh hi;
a beel hawmsakin,
haitungte a dengzan ding uh hi.
13 Tua ciangin Israel in
Bethel a muan lai-ua a maizum bangin,
Moab in Chemosh a maizumpih ding hi. ^s
14 “Bangci a, ‘Eite galhang mi - ^t
galdona-a a hatte i hi hi,’ ci thei na hi uh hiam?
15 Moab kisusia-in a khuapite kisim dinga;
a tangval hoihpente gawh dingin a kipaisukpih ding hi,”
a min Thahatpen TOPA a kici Kumpipa in cikhia hi. ^u
16 “Moab kisiat ding nai mahmah ta a,
a tuahsiatna manlangin tung ding hi.
17 Tuanu liatna a thei
a kima tengte khempeuh aw amah kah unla,
‘A khauh na sik ciangkhut kitan-a, ^v
a minthang na ciangkhut lah a kitan ta mawk a!’ ci un.
18 “Debon Tanu a tengte aw,
Moab susiapa in
nang hong susia dinga,
na khuapi umna kulh muanhuaite susia ding ahi manin
na minthanna pan hong paisuk inla
lei gawtak tungah tu in. ^w
19 ‘No Aroer a tengte aw, ^x
lamgei-ah dingin vil gige un.
Galtai mite le a suakta numeite kiangah,
“Bang piang ahi hiam?” ci-in dong un.
20 Moab kithehthang gawp ahi manin a maizum hi.
Thum unla kah un! ^y
Moab kisiatna
Arnon dungah zasak un. ^z
21 Mualtung zangleite -
Holon, Jahzah le Mephaath ah, ^aa
22 Dibon, Nebo le Beth Diblathaim ah, ^ab
23 Kiriathaim, Beth Gamul le Beth Meon ah, ^ac
24 Kerioth le Bozrah le -
anai agamla-a om Moab khuapite khempeuh ah thukhenna tung zo hi. ^ad
25 Moab’ ki ^{▼▼48.25 Hih takah ki in thahatna lim ahi hi.} kisuktansak a; ^af
a ban kikuaihtansak hi,” ^ag

TOPA in cikhia hi.
26 “TOPA langah tuanu kiliansak ahi manin
zu khamsak un. ^ah
Ama luak lakah Moab bualsak unla;
mite nuihsat suaksak un.
27 Israel note nuihsat suak hilo ahi hiam? ^ai
Ama thu na gen simin,
amah simmawhin na lu na peisansan, ^aj
amah gutate laka kiman sa na ahi hiam? ^ak
28 Moab a tengte aw, na khuapite uh taisan unla,
suangkawl lakah teng un.
Suangheng vangah
kawl-vakhu butom bangin om un. ^al
29 “Kote in Moab kiphatsakna - ^am
ki-uatsakna le kihihsakna,
a kisaktheihna le a kiliatsakna le
a lungsim liatnate ka za khin uh hi. ^an
30 Ama hiamgamhna a mawkna hi a,
a kisaktheihna bangmah lo ahilam ka thei hi,” ^ao

TOPA in cikhia hi.
31 Tua ahi ciangin Moab ka kah a,
Moab-te khempeuh adingin kikokhia-in,
Kir Hareseth mite adingin ka thum hi. ^ap
32 Sibmah lengguite aw, Jazer kah bangin ^aq
nang adingin ka kap hi.
Na guite tuipi dongin zaama;
Jazer tuipi dong ban uh hi.
Na gah minzunte le na lenggahte tungah
a susiate kipuk uh hi.
33 Moab lote le singno leite panin
lungnopna le kipahna a om nawn kei hi.
Lenggah sukna panin zu ka kangsaka;
lenggah cilte, kuamah lungdamin a awng nawn kei uh hi. ^ar
A awng uh zongin
lungdamna awging hi nawn lo hi.
34 Amaute kahna aw,
Heshbon panin Elealeh le Jazas dong, ^as
Zoar panin Horonaim le Eglath Shelishiyah ciang dongah a ging hi,
ahang in, Nimrim tuite nangawn kangcip hi.
35 Moab ah munsanga kithoihna piate le
amau pasiante tungah
gimnamtui halte ka beisak ding hi,” ^at

TOPA in cikhia hi.
36 “Tua ahi ciangin ka lungsim sungah tamngai mut bangin ka taamlo a; ^au
Kir Hareseth mite adingin tamngai bangin ka tamlo hi.
A khol uh, a neih a lamteng uh beita hi. ^av
37 Mi peuhmah in a lu uh mettol uh a, ^aw
a khamul uh kiatkhia-in
a khut uh kuikek uh a,
a kawnguah ippi puan teng uh hi. ^ax
38 Keimah in kuama deih loh leibeel bangin
Moab sukham ta ka hi manin
Moab, inntungkhum khempeuh le
mihon kikhopna tual-awng khempeuh ah
thumna longal bangmah dang a om kei hi.”

TOPA in cikhia hi.
39 “Amah kinak tap si e!
Amaute nak kah si uh e!
Moab maizumin nungngatsan tah!
Moab ahileh a kima om khempeuh nuihsat le lipkhap suak ta hi,” a ci hi.

40 Hih in TOPA gen ahi hi

“En un! Muvanlai khat in
a kha zalsa in Moab bawhsuk hi. ^ay
41 Kerioth ^{▼▼48.41 Ahikeh khuapite} kila dinga
a kulh muanhuaite kila khin ding hi.
Tua ni ciangin Moab galhangte lungsim
numei nausuak dingte lungsim bang ding hi. ^ba
42 Moab in TOPA langpan ahi manin
minam khat bangin kisusia ding hi. ^bb
43 Moab mite aw, launa,
dum le thang in note hong pang hi,” ^bc

TOPA in cikhia hi.
44 “Keimah in Moab tungah
a dan thuak kum tungsak ding ka hi manin
lau-a tai peuhmah
dum sungah kia-in,
dum sung pana kahkhia peuhmah
thangah a awk ding uh hi,”

TOPA in cikhia hi.
45 “Heshbon liim panin mei khat kuangkhia-a,
Sihon laizang panin meikuang khat a kipan hi; ^bd
tua in Moab-te thaltang kangin,
a kiphasakte lutang guh kang ahi manin ^be
Heshbon liim a beel galtaite
cimawhsa-in a ding uh hi.
46 Moab aw, gimna nak thuak na nicia! ^bf
Chemosh mite kisia khin a;
na tapate salin kikai khinin
na tanute uh galmatin kipaipih hi.
47 “Tua hi napi hong tung ding mailam hunah
Moab angei kong bangsak ding hi,” ^bg

TOPA in cikhia hi.

Moab tunga thukhenna hih ciangah beita hi.

Jeremiah 48

Moab Tawh Kisai Thupuak a

Moab Tawh Kisai Thupuak ^a